مسحراتي مصر البهية

[youtube]<iframe class="youtube-player" type="text/html" width="660" height="405" src="https://www.youtube.com/embed/-jyPIDoOHCQ" frameborder="0"></iframe>[/youtube]

<iframe class="youtube-player" type="text/html" width="660" height="405" src="https://www.youtube.com/embed/-jyPIDoOHCQ" frameborder="0"></iframe>

مسحراتي مصر البهيه

مسحراتي مصر البهيه .... اصحي واسبح رب البريه

مشيت ارتل انشد واجود .... وصوتي يجري بين النواصي

هنا بنقر هنا باعود .... هنا بحود عن المعاصي

لو كنت بحري لازم اقبل .... وان كنت قبلي لازم ابحر

ولحد اخر نفس في صدري .... هاشد قلبي وتر واسحر

يا مصر قومي وشوفي نيلك .... يا مصر قومي وضمي سينا

نهر المحبه بينتمي لك .... يا مصر شوفي احنا فين رسينا

مصر البهيه بالعقل هيه .... في الذكر ايه وفي العشق غيه

اصحي واسبح رب البريه

مسحراتي ادق واتوك .... شويه امشي شويه ازك

موتورجل اسعي وعمري ما اكل ... مشاعري حاضره وعمري ما اعك

احب احس بنبض الناس .... وكتف صاحبي في كتفي يحك

مشيت انادي واقول يا سحور .... لقيت شباب عصرنا مسحور

وكله اعد علي الفيس بوك

يا خلق هوه اللمه اهم .... طعم الحياه وتفريج الهم

سلام حميم من لحم ودم .... قالولي ده ايامكو يا عم

خليك روش وسمارت وفك .... وكله اعد علي الفيس بوك

يا جماعه طب نتكلم جد .... حلو الكلام بينا هايمتد

وكل حد يسامر حد .... وكل يد تحس بيد

قالولي خلص يلا وسك .... وكله قاعد علي الفيس بوك

. .
. .

ياخونا ده مش هدف النت .... الوقت مات مع ناس بتلت

وفراغ مابين الواد والبت .... الشات ده خلي العقل يشت

وانا بقيت في دكائكو باشك .... وكله قاعد علي الفيس بوك

. .
. .

يا جماعه شيء في العمر اختل .... نبض الحياه من ايدنا انسل

ممكن نفكر ونشوف حل .... قالولي دلت كبر حل

يا قشطه كيك علي ايه هاتلك .... والكل كمل علي الفيس بوك

. .
. .

مسحراتي في الذكر هايم .... والنسمه حلوه ولا حد نايم

والكل صابح معانا صايم .... ف الفجر يدعي ويقول يارب

رمضان يا اكرم م الشمس ذاتها ... ارواحنا عندك تبدا حياتها

والنفس راضيه تلحق ما فاتها .... تطلب هدايه وتقول يا رب

المصري بنا فلاح وجندي .... وعندي جامع وكنيسه عندي

الرحمه من دا والحب ن دي .... ومن قلوبنا بنقول يا رب